مراحل مشروع جمعيتى خطوه خطوه

مراحل مشروع جمعيتى خطوه خطوه بدون مقدمات عشان الموضوع طويل وعشان تعرف حقك وتبقي فاهم صح ووخدو بالكم انى الخطوط دى تم تجمعها من كلام ...

مراحل مشروع جمعيتى خطوه خطوه

بدون مقدمات عشان الموضوع طويل وعشان تعرف حقك وتبقي فاهم صح ووخدو بالكم انى الخطوط دى تم تجمعها من كلام مسئولى #الصندوق_الاجتماعى والتموين والبنك الاهلى

المرحلة الاولى الاستعلام البنكى

بتذهب للصندوق الاجتماعى ومعاك طبعة تامينات انك مش متامن عليك

وصورة البطاقة الشخصية وصورة بطاقة الضامن 

وبتاخد معاك كمان صورة المؤهل بتاعك وصوارة شهادة الجيش بالنسبة للذكور

تاخد الورق ده وتروح الصندوق بكل ثقة تسال فى الاستعلام عن الموظف المسئول الى هيشوف الورق ويتاكد انه مظبوط بعد كده هديك الدليل التشغيلى هتطلع عليه بعد كده هتمضى على اقرار انك اطلعت عليه وهتملى استمارة عشان الاستعلام البنكى

بعد متخلص الخطوة دى الموظف هيقولك هنتصل بيك لا اتصل انت يوم ويوم لحد ما يقولك روح فرع البنك الاهلى الى انت تابع ليه

بعد بعد ما تاخد جواب الاستعلام هتروح تقدمه للصندوق الاجتماعى الى هيطلب منك عقد ايجار المحل الى ميقلش عن 30 متر 29 متر لا عشان مضيعيش وقتك ومجهودك وفلوسك لانى عدد المتقدمين كبير ودى تصفية فالمتر ده هيخرجك ويكون العقد عليه اثبات تاريخ من الشهر العقارى ولا يقل عن 5سنوات ايجار

بعد كده الصندوق هيبعتك للحى او الوحدة المحلية الى انت تابع ليها عشان يعمل معينه مبدائية على المحل ويقول انه لائق ويبعد عن اقرب تاجر تموينى ما يقرب من 300 الى 400متر

بعد كده هتاخد الجواب من الحى او الوحدة المحلية وتروح الصندوق الى هيوجهك الى اقرب فرع لاحدا شركات الشركة القابضة يعنى الى فرع شركة الاهرام للمجماعات هيروح شركة الاهرام والى قريب للشركة تجارة الجملة هيروح شركة تجارة الجملة ده عشان يستلم الدليل التشغيلى ده فى حالة لة فرع الصندوق الى انت تابع ليه معملش اجتماع وحد من الشركة القابضة جه بنفسه ووزع الدليل وبين النقاط الهامة الخاصة بالمشروع وخدو بالك وفى الخطوة دى فى بعض المحافظات ممكن تخالى الشركة القابضة هى الى تعمل المعينه مش الحى او الوحده المحلية

الخطوه الى بعد كده انك بتاخد الدليل التشغيلى الى هتنفذ كل الى فيه وطبعا الجميع مضايق جدا من الحجات الى فيه وانا كشاب زيكو بعانى من نفس المشكله انى الحجات المطلوبه كتير وغليه بس انا لى راى شخصى فى الموضوع ده مع احترامى الكامل للجميع الاراء انا شايف انى المشكلة فى تنفيذ االى فى الدليل التشغيلى انا هستلف وهعمل المحل لكن اهم حاجه لازم تشغل دمغنا كلنا كشباب هو موزعين التموين الى هيكونو فى نفس المنطقة الى احنا فيها لانى المنظومة دى اسواء من تجار المخدرات وبيعرفوا ازاى يحربوا عشان ياخدو منك الزبون بالمهم الدولة هتقدر انها توفرى الامكانيات والسلع والاسعار الى اقدار اجيب الزبون عندى واقدر انافس واعيش وافتح بيها بيان فى ظل المنظومة دى هى دى المشكله الاكبر الى لو اقدرة الدولة فعلا تحلها وتخلى جمعيتى هى رقم واحد وفوق تاجر التموين مش هشطب ب20الف لا ب50 الف 

نرجع للخطوه الى بعد كده وانت بتوضب المحل وفقا للدليل التشغيلى هيكون الصندوق بيخلصك اجراءات الترخيص بتاع المحل فى نفس الوقت

بعد كده انت خلصت التوضيب والصندوق خلص الترخيص الشركة القابضة هتيجى تعين المعينه النهائية بعد كدهه بيديك موفقه وجواب فتح اعتماد للبنك الاهلى وطبعا هيكون لكل مساحة محل مبلغ محدد يعنى 30 متر هياخد مبلغ 50 الف و40 متر 75الف و50 متر 100الف جنيه 

فى الوقت ده الصندوق هيخاطب البنك وعشان يعتمد المبلغ ويصرف 25% من المبلغ الى هتاخده عشان يجبلك بيه اساسات فى المحل والى هيبقى هتاخده انت مساعده فى التشطيبات يعنى لو هتاخد 100الف البنك هيصرف 25الف الصندوق هيشيل تمن مكينتين صرف التموين وبدل الخبز الى هو حولى 6000جنيه وكمان هيشيل تمن ثلاجه وتمن جهاز كمبيوتر لو عاوز مش عاوز خلاص لانى الكمبيونر اختيارى بعد ما يخصم تمن الحجات دى من 25 الف هيديك الباقى مساهمة منه فى التشطيب طبعا ده لو انته يتم اعتماد مبلغ ال100الف لانى مساحة محك 50متر انما لو انت 30 متر طبعا هيكون المبلغ اقل يعنى ممكن متخدش اى حاجه

بعد كده الخطوه الاخيرة هى انك هتاخد جواب فتح الاعتماد والبنك هيحط المبلغ فى حسابك الى هيفتحو ليك وخد بالك ان تعاملك كله هيكون من خلال حسابك فى البنك الاهلى هتبتدى تحول المبلغ الى اتحط فى حسابك للشركة القابضة او بمعنى اوضح للشركة الى هتكون تابع ليها زى ما وضحنا قبل كده وممكن فى النقططه دى البنك يحول المبلغ للشركة مباشرة يعنى مش ضرورى يخش حسابك بعد كده بتاخد اخطار او جواب من البنك انك دخلت الفلوس فى حساب الشركة وتروح الشركة وتكون قبلها محدد السلع الى انت عيزها ومحتجها والكميات بالمبلغ الى اتحول يعنى تكون جاهز بعد كده بتشيل بضعتك وتروح ترصها فى المحل وتبتدى شغل وكل يوم او اتنين او اسبوع تروح تحط الفلوس الى بعت بيها فى حسابك فى البنك الى التموين بحولك عليه فلوس التموين الى بعته وفرق الخبزعشان كل متعوز بضاعة تحول الفلوس للشركة وتخاد الاخطار الى حولت بيه وتروح تستلم من الشركة السلع وطبعا الدورة دى هتفضل مستمرة

صورة من عقد #جمعيتي

12 شرطاً للحصول على مشروع «جمعيتى» بقرض 150 ألف جنيه

بلغ عدد المنافذ المفتتحة والمنافذ قيد التشغيل ضمن المرحلة الأولى من المشروع بنظام القرض (2170) منفذ، وإجمالي المنافذ المفتتحة والمنافذ قيد التشغيل بنظام التمويل الذاتى بلغت (1135) منفذ، أما عن عدد المنافذ المطلوب افتتاحها بالمرحلة الثانية طبقا للخريطة الجغرافية والاحتياجات الفعلية لشركتي الجملة العامة و المصرية على مستوى مراكز محافظات الجمهورية 1217 منفذ مستهدف.

شروط الحصول على #مشروع_جمعيتي:

• 1- محل 30 متر على الاقل ايجار 5 سنوات على الاقل او تمليك بعقود موثق
• 2- السن لا يقل عن 21 ولا يزيد عن 45
• 3- حاصل على مؤهل متوسط وما فوق
• 4- ادى الخدمة العسكرية أو اعفاء منها بالنسبة للذكور
• 5- أن يكون المتقدم كامل الاهلية وحسن السير والسلوك
• 6- صحيفة الحالة الجنائية خالية من أى أحكام
• 7- لا يعمل بالحكومة أو القطاع العام
• 8- ليس عليه قروض للصندوق الاجتماعي
• 9- الإقامة فى نفس المحافظة المقام بها المشروع
• 10- استيفاء ضامن مقبول لكل عميل
• 11- المساهمة الذاتية في إجمالي التكلفة الاستثمارية للمشروع لا تقل عن 10% كحد أدنى تصرف ببند التشطيبات وتجهيز المكان وفقاً للدليل التشغيلى المتوفر بالمكاتب الاقليمية
• 11- لابد من توفر شهادة التأمينات الاجتماعية والتى تفيد بأن العميل غير مؤمن عليه
• 12- مراعاة عند اختيار موقع المشروع عدم تواجد أى منفذ أو مجمع استهلاكى يتبع وزارة التموين فى نطاق الشارع أو شارع مجاور

وكانت قد أعلنت نيفين جامع، رئيس جهاز تنمية المشروعات الصغيرة والمتوسطة، خلال المؤتمر الصحفي المنعقد بوزارة التموين الاثنين الماضى عن رفع الحد الأقصى للقرض الخاص بمشروع جمعيتي من 100 ألف إلى 150 ألف نظرا لارتفاع أسعار السلع.

شروط اعتماد تاجر تموينى مستجد

1.  أن يمتلك محل تجارى مرخص ويتوافر فيه الشروط الصحية المناسبة بمساحه لأتقل عن 30 متر ومجهز به ثلاجة عرض مع توفير مخزن للمحل - 
2. سجل تجارى دون شرط مرور عام على قيده -
3. إن يكون كامل الأهلية ولا يعمل بالحكومة أو قطاع الإعمال العام -
4. أن يكون حسن السمعة ولم يسبق الحكم عليه فى إحدى الجرائم التموينية أو المخلة بالشرف والامانه -
5. وجود بطاقة ضريبية وشهادة صحية وصحيفة الحالة الجنائية -
6. أن يتقدم بكشوف ترغيب أي عدد من البطاقات التموينية طبقا لحاجة المنطقة لهذا النشاط -
7. يتم تقديم إقرار وتعهد بأنه على استعداد لشراء ماكينة الصرف وإجراء الصيانة اللازمة على حسابه الخاص -

وهذه هي الشروط الموجودة بموقع وزارة التموين والتجارة الداخلية